"Цэвэр агаар" сангийн санхүүжилтээр төвийн эрчим хүчинд холбогдож чадаагүй алслагдсан хороодын орон сууцнбы дулааны алдагдлыг бууруулах төсөл хэрэгжүүлж байна. Сонгинохайрхан дүүрэгт орон сууцны дулааны алдагдлыг бууруулахаар ажиллаж байгаа бол бусад дүүргийн сургууль, цэцэрлэгийн дулааны алдагдлыг бууруулах юм байна. Төслийн инженер Б.Мөнх-Учрал "Төвийн дулаан хангамжаас алслагдмал сургууль цэцэрлэгийг “Цэвэр агаар” сангийн санхүүжилтээр газрын гүний дулаан ашиглан халаах ажлыг хийж гүйцэтгэж байна. Ингэснээр уурын зуух ажиллуулж агаар, орчныг бохирдуулахгүйн дээр маш бага цахилгаанаар дулаан гаргадаг онцлогтой. Төслийн гүйцэтгэл 90 хувьтай байна" гэлээ.