Сонгинохайрхан дүүргийн хэд, хэдэн хороодын нийтийн эдэлбэр талбайд зөвшөөрөлгүй газар ашиглаж байсан тоосгон гарааш, контейнерыг чөлөөлөх ажил үргэлжилж байна. Дүүргийн хэмжээнд энэ оны газар чөлөөлөх ажил гуравдугаар сарын 15-наас 15, 16 дугаар хорооноос эхэлсэн бөгөөд тус ажлын хүрээнд 18 дугаар хороо таван шар орчмын 15 дугаар байрны баруун хойно, замын эсрэг талд нийт 49 ширхэг тоосгон гараашийг буулгаж, 1400 ам метр гаруй талбайг чөлөөлжээ. Энэхүү талбайд авто зогсоол, явган хүний замын тохижилтын ажлыг гүйцэтгэж байгаа аж.