Сонгинохайрхан дүүргийн хороодод бүтээн байгуулалт, тохижилтын ажил эхэлж байна. Эхний ээлжинд дөрөвдүгээр хороонд Төв замаас хорооны шинэ сургуулийн авто замын зогсоол хүртэл 120 метр авто замын ажил эхлэх гэж байгаа аж. Энэхүү авто зам ашиглалтад орсноор сургууль орчмын аюулгүй байдлыг хангаж, ая тухтай орчин нөхцөлийг бүрдүүлнэ гэж хорооны удирдлагууд хэлж байна. Өнгөрсөн онд ашиглалтад орсон 640 хүүхдийн суудалтай 162 дугаар сургуульд хамран сурах тойргийн буюу 3, 4, 26 дугаар хорооны хүүхдүүд суралцдаг.