Япон улсын "Өвсний үндэс" төслийн хүрээнд Сонгинохайрхан дүүргийн 113 дугаар цэцэрлэгийн А байранд их засварын ажил хийнэ. Япон Улсын засгийн газар нь Монгол оронд 1990 оноос өнөөдрийг хүртэл 33 жилийн турш “Өвсний үндэс-Хүний аюулгүй байдлыг хангах буцалтгүй тусламж” хөтөлбөрийг хэрэгжүүлж байна. Энэ удаагийн төсөл нь Монголд хэрэгжих 594 дэх, Сонгинохайрхан дүүрэгт хэрэгжих 14 дэх төсөл болж байгаагаараа онцлог юм. 113 дугаар цэцэрлэгийн өргөтгөлийн барилгыг өнгөрсөн жил ашиглалтад оруулжээ. Тус цэцэрлэгт одоогийн байдлаар 12 бүлгийн 555 хүүхэд хамрагдддаг бөгөөд өргөтгөл ашиглалтад орсноор найман бүлгийн 120 хүүхэд нэмж авах боломжтой болжээ. Ингэснээр 113 дугаар цэцэрлэг нийт 20 бүлгийн 670 гаруй хүүхэдтэй болж, 74 багш ажилчинтай үйл ажиллагаа явуулж байна.
