Монгол Улсын Ерөнхий сайд Л.Оюун-Эрдэнэ өнөөдөр E-Business платформын нээлтэд оролцож, тоон гарын үсгээ авахыг иргэдэд уриалсан юм. Мөн үеэр тэрээр хүүхдийн мөнгөтэй холбоотой асуултад хариулт өглөө. Тэрээр "Төсөв маш хүндрэлтэй, Монгол Улс дампуурлаа зарлах хэмжээний эрсдэлтэй байна гэдгийг Олон улсын байгууллагуудаас анхааруулсан. Иймд бүх хүүхдэд мөнгийг олгох нь тохиромжгүй, зорилтот бүлэгтээ алхам, алхмаар шилжүүл гэдэг шаардлагыг тавьдаг.
Тэгэхээр тус зөвлөмжийг дагах зайлшгүй шаардлагад Сангийн яам, УИХ-ын ажлын хэсэг орсон. Одоо нөхцөл байдал өөр болж байгаа учраас бүх хүүхдэд мөнгө олгох асуудлыг эргэж харах боломжтой. Гэхдээ бүх хүүхдэд мөнгө олгох асуудлыг ОУ-ын байгууллагуудтай ярилцаж хийхгүй бол төсөв хэтэрхий зардлаа тэлээд байна гэдэг шүүмжлэлд ордог. Бүх хүүхдэд мөнгө олгох санхүүгийн эх үүсвэрийг 6-7 дугаар сард шийдэх боломж бүрдэж эхэлнэ" гэв.
