Манай хойд хөрш ОХУ-д улаан бурхан өвчний халдвар тархаад байна. Иймд хил залгаа улсын хувьд улаан бурхан өвчний халдвар гарахгүй гэх баталгаа алга. Хойд хил Хаигтын боомтод тандалт хийхээр ХӨСҮТ болон ДЭМБ-ын зөвлөхүүд өнөөдөр Сэлэнгэ аймгийг зорилоо. Оросын Якут, Тюмен, Оренбург мужид улаан бурхан өвчин тархаад байгаа бол хамгийн сүүлийн мэдээллээр манай хил залгаа Буриадын Улан-Үдэ хотод бүртгэгджээ. Европ тивд улаан бурхан өвчний халдвар дөрөв дахин нэмэгдсэн талаар ДЭМБ мэдээлсэн юм.