Монголын ард түмэн 1072 хувьцаагаараа дамжуулан Эрдэнэс Тавантолгой ХК-ийн 14.8 хувийг эзэмшиж байна. Тус компанийн хувьцаа эзэмшигчдийн хурал өнөөдөр боллоо. Эрдэнэс тавантолгой компани 2023 онд 1.3 их наяд төгрөгийн ашигтай ажилласан талаар хувьцаа эзэмшигчдэдээ дуулгалаа. Энэ үеэр уурхайн үйл ажиллагаа болон биржээр нүүрсээ арилжаалах ажлыг тогтворжуулах, идэвхжүүлэх шаардлагатай гэж үзжээ. Мөн эхлээд компанийн хэвийн үйл ажиллагааг хангасны дараа ногдол ашиг хуваарилах нь зүйтэй гэж ТУЗ-ийн хурлаар үзсэн байна. Ногдол ашиг тараах асуудлыг 2023 оны аравдугаар сарын 26-ны ТУЗ-ийн хурлаар хэлэлцэж шийдвэрлэхээр болжээ.