Энэ мэдээ хуучирсан буюу 2024/01/15-нд нийтлэгдсэн мэдээ болно.

Улаанбаатар хотын 14 байршилд халиа тошин үүсчээ

Ангилал
Нийгэм
Огноо
Унших
2 минут 3 секунд

Улаанбаатар хотын зургаан байршилд халиа тошин үүсээд байна. Тодруулбал, Сэлбэ, Туул, Нарангийн голын ай сав газруудад халиа үүсчээ. Үүнээс зургаан байршилд өмнөх жилүүдийн дунджаас их буюу 20 орчим см-ээр илүү хэмжээтэй халиа үүсээд буй юм. Үүнтэй холбоотойгоор Нийслэлийн Засаг дарга бөгөөд Улаанбаатар хотын Захирагч Х.Нямбаатар Сүхбаатар дүүрэг, Сэлбэ гол орчмын халиа тошингийн нөхцөл байдалтай танилцжээ. Энэ үеэр мэргэжилтнүүд мэдээлэл өгсөн юм.

Голын далан, гүүрийн байгууламжид эвдрэл үүсэхээс урьдчилан сэргийлэх зорилгоор УБЗАА, Нийслэлийн Онцгой байдлын газар, Геодези, усны барилга, байгууламжийн газар /ГУББГ/-аас халиа тошин үүссэн байршлуудад тогтмол арга хэмжээ авч, хянан ажиллаж байгаа. Мэргэжилтнүүдийн мэдээлснээр 1, 2 дугаар сар нь халиа үүсэх хамгийн оргил үе байдаг бөгөөд гуравдугаар сараас суулт өгч эхэлдэг байна.

Сэлбэ голын гүүрэн доорх дулааны шугамд халиа тулж, уур гарч буйтай холбоотойгоор “Улаанбаатар дулааны сүлжээ” ТӨХК-ийн мэргэжилтнүүд тухайн байршилд үзлэг шалгалт хийсэн. Үзлэгийн дүнд уг хэсэгт аваарын нөхцөл байдал үүсээгүй гэх дүгнэлт гарсан юм. ГУББГ-ын зүгээс халиатай хэсэгт мөсийг сувагчлах, гарсан мөсөөр далан босгох, халиа үүсээгүй хэсэгт сувгийг задалж, усыг урсгах зэрэг ажлыг тогтмол гүйцэтгэж байна хэмээлээ.

Зуны улиралд үерт, өвлийн улиралд халиа тошин, ус мөсөнд, хаврын улиралд шар усны үерт өртөх өндөр эрсдэлтэй тул иргэдийг байгалийн хуурай жалга сайр, булаг шанд, гол горхи, үерийн хамгаалалтын далан сувагт оршин суухгүй байхыг мэргэжлийн байгууллагын зүгээс анхааруулж байна.

Хог хаягдлыг шатаан, эрчим хүч гарган авах үйлдвэр байгуулахаар судалж байна
Хог хаягдлыг шатаан, эрчим хүч гарган авах үйлдвэр байгуулахаар судалж байна
 
Жендэрийн тэгш байдлыг хангаж сонгуульд оролцохыг намуудад санууллаа
Жендэрийн тэгш байдлыг хангаж сонгуульд оролцохыг намуудад санууллаа
Энэ мэдээ хуучирсан буюу 2024/01/15-нд нийтлэгдсэн мэдээ болно.