Улаанбаатар хотын нутаг дэвсгэрийн 88,4 хувь нь хөрсний нянгийн бохирдолтой гэдэг. Тэгвэл "Youth movement for Earth-Friendly Citizens" байгууллагаас Сонгинохайрхан дүүргийн 23 дугаар хороонд оршин суудаг нэгэн гэр бүлд жорлонгоо өөрчлөхөд нь туслахаар болжээ. Өөрөөр хэлбэл, үнэр гарахгүй, нүх ухахгүй, дэд бүтэц шаардлагагүй байгальд халгүй 500 мянган төгрөгийн өртөгтэй нойл хийж өгөх аж. Төсөлд хамрагдахын тулд тус хорооны иргэн байхаас гадна үлдэгдэл угсралтын 350 мянган төгрөгийн зардлаа өөрсдөө гаргах боломжтой ёстой гэнэ. Хэрвээ та хамрагдахыг хүсвэл тус байгууллагын сайтад хүсэлт гаргаарай.
