Сүүлийн үед эзэн холбогдогч нь тодорхойгүй, хууль бус виз зуучлагчид БНСУ-ын Засгийн газрын албан ёсны визийн цахим хуудас (www.visa.go.kr) –г хууль бусаар хуулбарлан иргэдийг залилаж байгаа хэрэг гарч байна. Уг этгээдүүд нь БНСУ-д зорчих хүсэлтэй Монгол иргэдэд виз гаргаж өгнө гэж хууран мэхэлж хувийн мэдээллийг нь авч байгаа аж. Иймд хууль бус "виз зуучлагч"-аас болж Монгол иргэд эд мөнгөний хохирол амсахгүй байхыг хүсэж байна. Түүнчлэн, визтэй холбоотой хуулийг зөрчсөнөөс үүдэн цаашид Солонгос руу зорчих виз олголтод сөргөөр нөлөөлөх үйлдэл гаргахгүй байхыг хүсье" гэж БНСУ-аас Монгол Улсад суугаа ЭСЯ-наас анхаарууллаа.