2023 оны зургадугаар сард ашиглалтад орох Хүүхэд, залуучуудын театрын барилгын дотор заслын ажил өрнөж байна. 850 хүний багтаамжтай бөгөөд 110 уран бүтээлч, ажилтан ажиллана гэсэн урьдчилсан тооцоололтой уг театрт салбарын яамнаас ОХУ-аас ерөнхий найруулагч ажиллуулахаар төлөвлөжээ. Харин үйл ажиллагаагаа хэвийн явуулах төсвийг жил бүр улсын төсөвт суулгаж байх аж. Ямартай ч, Засгийн газрын 2021 оны зургадугаар сарын 1-ний өдрийн хуралдаанаар нийслэлийн Сонгинохайрхан дүүргийн тавдугаар хороонд барьж буй дүүргийн Соёлын ордны барилгыг улсын Хүүхэд, залуучуудын театр болгохоор шийдвэрлэсэн билээ.