Түүхий нүүрс хэрэглэдэг зуухнуудыг үе шаттайгаар хийн түлш рүү шилжүүлнэ

Ангилал
Нийгэм
Огноо
Унших
1 минут 28 секунд

Улаанбаатар хотын Ерөнхий менежер бөгөөд Захирагчийн ажлын албаны дарга М.Баяраа утааг хэрхэн бууруулах талаар санал бодлоо хуваалцлаа. Тэрбээр "Улаанбаатар хотод 2018 оноос өмнө 3000 гаруй уурын зуух байсан. Эдгээр уурын зуухнуудыг үе шаттайгаар буулгаж, газ ашиглах, төвийн шугамд холбох арга хэмжээг авсан. 2019 онд 6-12 кВт-ын хүчин чадалтай 2226 уурын зуухыг, 100-аас дээш кВт-тай 600 гаруй уурын зуухыг буулгажээ. Одоо 70 байршилд уурын зуух байгаа бөгөөд идэвхтэй ажилладаг 50 зуух бий. Эдгээр зуух хуучны технологитой тул түүхий нүүрс хэрэглэж байгаа. Улаанбаатарыг тойрсон холын бүсүүд буюу Морингийн даваа, Шувуун фабрик, Гачуурт зэрэгт байрладаг бөгөөд түүхий нүүрсийг ашиглахдаа шигшиж, ангилан хэрэглэдэг. Ингэж ангилсан эрчим хүчний нүүрсийг Дулааны гурав, дөрөвдүгээр цахилгаан станцад ашигладаг. Мөн түүхий нүүрс түлж буй бүх зууханд утаа баригчийг суурилуулан, нойтон, хуурай шүүгч суулгасан. Эдгээр зуухыг үе шаттайгаар хийн түлш рүү шилжүүлэх хэрэгтэй гэж үзэж байгаа. Энэ чиглэлээр гадаад, дотоодын байгууллагуудтай хамтран ажиллахаар ярилцаж байна” гэв.

Нүүрсний хэргээр 7457 гэрч дуудаж, 142 нэгжлэг хийсэн
Нүүрсний хэргээр 7457 гэрч дуудаж, 142 нэгжлэг хийсэн
 
С.Эрдэнэ Д.Ганбатад намын тамгаа атгуулсангүй
С.Эрдэнэ Д.Ганбатад намын тамгаа атгуулсангүй
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу.