Өнгөрсөн өдрүүдэд орсон цас өвөл ирснийг анхааруулсан дохио байлаа. Тэгвэл цасан шуурга ойрын өдрүүдэд ч үргэлжлэх юм байна. УЦУОШГ-аас малч­ид, иргэд, тээвэрчдэд зориулан сэрэмжлүүлэг гаргалаа. Өнөөдөр баруун болон төвийн аймгуудын нутгийн хойд хэсгээр цас орж, цасан шуурга шуурч, ихэнх нутгаар хүйтэн байх тул зам даваанд мөстөлт, халтиргаа, гулгаанаас болгоомжлохыг анхааруулж байна.