Монгол Улсад жүдо бөхийн “Улаанбаатар их дуулга” тэмцээн өнгөрсөн долоо хоногт болж, орон орны шилдэг жүдочид хуран чуулсан.
Тэгвэл тэмцээн дууссаны дараа Монголын жүдо бөхийн үндэсний шигшээ багийн зааланд Монгол, Япон, Финланд, Франц, Австри, Голланд, Киргизстан, Канад, Португал улсын баг тамирчид жүдочдын хамтарсан бэлтгэл сургуулилтад хамрагдаж байна. Бэлтгэл сургуулилтад 100 орчим тамирчин хамрагдаж байгаа бөгөөд олимп, дэлхийн медальт олон шилдэг жүдоч байна.
