Сонгинохайрхан дүүргийн хэмжээнд сургууль, цэцэрлэгийн шинэ барилга, газар чөлөөлсөн талбайн тохижилт, хатуу хучилттай зам тавих зэрэг бүтээн байгуулалтын олон ажлууд хороо тус бүрт өрнөж байна. Үүний нэг нь 25-р хороонд улсын төсвийн хөрөнгө оруулалтаар Зүүнсалаа 1-8, Одонт 1-17 дугаар гудамжуудыг дамнан хийж байгаа 3.2 км хатуу хучилттай авто зам юм. Тус ажлыг “Алтайнроуд” ХХК гүйцэтгэж байгаа бөгөөд энэхүү зам нь хоёр талаараа явган замтай ба нэг талдаа бүрэн гэрэлтүүлэгтэй байхаар төлөвлөгдсөн.
Тус ажлын хүрээнд хэд, хэдэн өрхийн газар чөлөөлөлтийн асуудал удаашралтай байгаа бөгөөд Нийслэлийн газрын алба болон 25-р хорооны зүгээс удаа дараа шаардлага хүргүүлэн ажиллаж байна.
