БНСУ-д мөсөнд авиралтын дэлхийн цомын аварга шалгаруулах тэмцээн энэ сарын 12-14-нд болж өнгөрлөө. Тус тэмцээнд 16 орны 88 тамирчин өрсөлдсөн байна.
Манай улсаас Н.Хэрлэн, О.Сайханжаргал, Ч.Мандахбаяр, Н.Сэлэнгэ, Б.Баярмаа, Д.Отгонхүү нар оролцож, Н.Хэрлэн алтан медаль хүртлээ. Тэрбээр дэлхийн цомын хоёр дахь медалиа гардаж буй нь энэ. Өмнө нь Монголын мөсөнд авирагчид дэлхийн цомын тэмцээнд 2012 оноос анхлан оролцож, Н.Хэрлэн, Ч.Мандахбаяр нар хүрэл медаль хүртэж байжээ.
