Аялал жуулчлалын үйлчилгээ үзүүлэгч 60 гаруй байгууллага нэгдэн Тэрэлжийг цэвэрлэж, 40 тонн хог түүжээ

Ангилал
Нийгэм
Огноо
Унших
1 минут 9 секунд

Дотоод, гадаадын жуулчдын голчлон зорьдог газар бол Горхи-Тэрэлж Тусгай Хамгаалалтын Газар билээ.

Гэхдээ олон хүн их очихын хэрээр хогонд дарагдах нь элбэг. Тиймээс аялал жуулчлалын шинэ улирал эхэлж буй энэ үед "Солонго-Хонх" Солонгос хэлний хөтөч орчуулагчдын холбоо санаачлан Монголын солонгос зах зээлийн аялал жуулчлалын "МОКТА" холбоотой хамтран дөрөвдүгээр сарын 20-нд "Хоггүй Тэрэлж" аяныг өрнүүлжээ.

Үүнд аялал жуулчлалын үйлчилгээ үзүүлэгч 60 гаруй байгууллага болон Горхи-Тэрэлж Тусгай Хамгаалалтын Газар, Налайх дүүрэг, 6 дугаар хорооны төлөөлөл нийт 320 гаруй хүн оролцсон байна.

Тэд Тэрэлж орчмын 12 маршрутын дагуу нийт 40 тонн хог түүж, машинаар хогийн цэг рүү зөөжээ. Энэхүү аяныг Байгаль Орчин, Аялал Жуулчлалын Яам(БОАЖЯ) дэмжин оролцсон бөгөөд цаашид энэхүү үйл ажиллагааг жил бүр уламжлал болгон зохион байгуулах аж.

Зам засварын ажлыг долдугаар сарын 1 гэхэд дуусгах үүрэг өгөв
Зам засварын ажлыг долдугаар сарын 1 гэхэд дуусгах үүрэг өгөв
 
Баянхошуу дэд төвийн 150 айлын орон сууцны барилга угсралтын ажил эхэллээ
Баянхошуу дэд төвийн 150 айлын орон сууцны барилга угсралтын ажил эхэллээ
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу.