Хөдөлмөрийн баатар, ардын уран зохиолч, Төрийн шагналт, соёлын гавъяат зүтгэлтэн Б.Лхагвасүрэнгийн зохиол, найруулагч Б.Баатарын бүтээл "Тамгагүй төр" буюу “Монгол хаан” жүжгийг энэ сарын 18-наас эхлэн Улсын драмын эрдмийн театрын тайзнаа толилуулахаар болжээ. Уг жүжгийг аравдугаар сараас Сингапурын Марина Бэй Сэндс цогцолборт толилуулахаар болоод буй. Уг цогцолборт жилд 45 сая хүн зочилдог, дэлхийн аялал жуулчлалын чухал төвүүдийн нэг гэдэг.

Жүжгийн уран бүтээлчдийн баг Азийн аялан тоглолтоо эхлэхийн өмнө Английн алдарт Колизеум театрт тоглосон хувилбарыг энэ сарын 18-наас өдөр бүр 18.00 цагаас УДЭТ-т толилуулахаар болжээ.