Зуны урт амралт дуусаж хичээл ороход сар хүрэхгүй хугацаа үлдлээ. Ойрын үед зах худалдааны төвүүд хөлд хөдөлгөөн ихтэй байна. Манай сурвалжлах багийнхан Сонгинохайрхан дүүргийн “Хархорин”, болон “Сандэй-2” худалдааны төвөөр орж хичээлийн хэрэгслийн үнэ ханшийг сонирхлоо. Худалдаачдын хэлж буйгаар сурагчийн дүрэмт хувцас өнгөрсөн жилийнхээс 5000 төгрөгөөр л нэмэгдсэн гэсэн тайлбар хэлж байв. Харин эцэг, эхчүүдтэй уулзахад “Өнгөрсөн жилийнхээс үнэтэй болжээ. Нэг айлаас гурван хүүхэд сургуульд суралдаг гэж үзвэл доод тал нь 300 гаруй мянган төгрөгийг зөвхөн сурагчийн дүрэмт хувцсанд зарцуулах юм байна. Цаашлаад дэвтэр, цүнх гээд нэг хүүхдийн хичээлийн хэрэгсэл бэлтгэх зардал багаар бодоход л 500 мянган төгрөг болох тооцоо харагдаж байгаа” гэж ярилаа.

“Хархорин” худалдааны төвийн гаднах талбайд манай улсын үндэсний “Бүгэн” үйлдвэрийн сурагчийн дүрэмт хувцасыг зарж байна. Тус үйлдвэрийн хувьд бага ангийн сурагчийн дүрэмт хувцас багцаараа 75000, дунд ангийнх нь 85000, ахлах ангийнх 95000-100000 төгрөгөөр зарж байгаа аж. Хари “Сандэй-2” худалдааны төвийн гуравдугаар давхарт “Бүтээлч үйлс”, “Торгон хийц” компанийн сурагчийн дүрэмт хувцасны лангуу байрласан харагдлаа. Тус компанийн худалдагч охин “Манайх одоогоор албан ёсоор үнээ иргэдэд нээлттэй бичээгүй байгаа. Одооноос л хүмүүс сурагчийн дүрэм хувцас сонирхож эхэлж байна. Өнөөдөр борлуулалт жаахан тааруу байна. Ирэх долоо хоногоос идэвхжих байх” гэлээ.

“Бүтээлч үйлс”, “Торгон хийц” компанийн сурагчийн дүрэмт хувцасны үнийг уншигчдадаа сонирхуулъя.

Бага анги

Эмэгтэй сарафон-78000, хоёр хослол нь нийлээд 110000

Цамц-32000, гурван хос нь нийлээд 116000

Зангиа-6000 төгрөгийн ханштай байна.

Эрэгтэй хүрэм-78000

Өмд-49000

Дунд анги

Эмэгтэй хүрэм-95000

Юбка-56000

Эрэгтэй хүрэм-95000

Өмд-60000

4 хос нийлээд 196000 төгрөг болох нь.

Ахлах анги

Эмэгтэй хүрэм-108000

Юбка-58000

Ахлах эрэгтэй хүрэм-120000

Өмд-65000

Хоёр хос нь нийлээд 185000 төгрөгөөр худалдаж авах нь.

Үзэг дэвтэр, цүнх хийц загвараасаа хамаараад янз бүрийн ханштай байна.

“Улаанбаатар принт” компанийн үйлдвэрлэсэн дэвтрийн үнийг сонирхуулбал,

12 хуудастай тоо, элементийн дэвтэр-350-320 төгрөг

24 хуудастай тууш шугамтай дэвтэр-700-650 төгрөг

36 хуудастай тоо болон тууш шугамтай дэвтэр-850-800 төгрөг

48 хуудастай тоо болон тууш шугамтай дэвтэр-1150-1100 төгрөг

60 хуудастай тоо болон тууш шугамтай дэвтэр-1450-1300 төгрөг

96 хуудастай тоо болон тууш шугамтай дэвтэр-2300-2100 төгрөгөөр зарж байна.