Цахим сүлжээнд тархаад байгаа "Буян-Ундарга Ди Си" ХХК-ийн үйлдвэрлэсэн "Жэюүг" гахайн махны зөрчилтэй холбоотой мэдээллийн дагуу Хан-Уул дүүрэг дэх мэргэжлийн хяналтын хэлтсээс хяналт шалгалт хийхэд тус үйлдвэр 2022 оны наймдугаар сарын 10-ны өдөр үйл ажиллагаа явуулаагүй, үйлдвэрлэл эрхлээгүй байсан.

2021 онд “Буян-Ундарга Ди Эс” ХХК-ийн Жэюүг амталсан гахайн махны үйлдвэр болон агуулах нь мал эмнэлэг, ариун цэврийн шаардлага хангаагүй, цэвэрлэгээ үйлчилгээ хангалтгүй , технологи заавар мөрддөггүй, дотоод хяналт хангалтгүй зөрчлүүдэд Нийслэлийн мэргэжлийн хяналтын газраас Зөрчлийн тухай хуулийн дагуу холбогдох арга хэмжээ тооцсонд тус компаниас улсын байцаагчийн шийдвэрийг хүлээн зөвшөөрөхгүй шүүхийн маргаантай байгаа ажээ.