Монгол-Оросын хамтарсан ЕБС-ийг байгуулахыг ажлыг Сонгинохайрхан дүүргээс эхлэхээр болсон билээ. Энэ хүрээнд Монгол-Оросын хамтарсан сургууль байгуулах асуудлаар ОХУ-ын Гэгээрлийн яамнаас томилогдсон В.Г.Короленкогийн нэрэмжит Глазовскийн улсын боловсролын дээд сургуулийн төлөөллөөс бүрдсэн ажлын хэсгийнхэн болон БСШУЯ, дүүргийн ЗДТГ-ын төлөөллүүд 9,4 дүгээр хорооны нутаг дэвсгэрт баригдаж буй 640 хүүхдийн суудалтай сургууль дээр зочилжээ.
Ажлын хэсгийнхэн сургуулийн гадаад болон дотоод орчин нөхцөлтэй танилцаж, анги танхимын багтаамж, тохижилт, хичээлийн хэрэглэгдэхүүн "Орос-IV" сургуулийг байгуулах хэрэгцээ шаардлагыг үнэлж дүгнэсэн байна. Харин салбарын яамнаас хамтарсан сургууль байгуулах боломжтой хоёр сургуулийг санал болгохоос гадна орос багш нарын байрлах орон сууцны асуудлыг шийдэх ёстой аж.