Сонгинохайрхан дүүргийн хэмжээнд 2022-2023 оны хичээлийн жилийн бэлтгэл ажил хангагдаж байна. Үүний нэг нь есдүгээр хорооны 163 дугаар цэцэрлэг юм. Тус цэцэрлэг нь нийслэлийн Тэргүүний цэцэрлэг бөгөөд гаднах орчноо эко-ногоон орчин болгож өөрчилжээ. Цэцэрлэгийн талбайд хүүхдүүдэд зориулсан хүлэмж, нарийн ногоо үрслүүлэх талбар зэргийг шийдэж, эрүүл, аюулгүй хүнсний ногоог багш, сурагчид хамтран тарьж, жил бүрийн намар хураадаг уламжлалттай болжээ.