Сонгинохайрхан дүүргийн Улсын бүртгэлийн хэлтэс өнгөрсөн сард тун ачаалал ихтэй байсан гэнэ. Учир нь, наймдугаар сарын 1 наймдугаар сарын 25 хүртэл гадаад паспортын захиалгын оргил үе бөгөөд ойролцоогоор 25000 иргэнд үйлчилжээ. Энэ сард захиалга ихэсдэгийн шалтгаан нь, үр хүүхдээ дагуулан хичээлийн хэрэгслийг нь бэлдэхээр Хятад, Орос руу аялдаг эсхүл гадагшаа сурч, ажиллах хүмүүсийн захиалгад ийнхүү дарагддаг байна. Өдгөө нь, өдөрт 100-200 иргэнд гадаад паспорт олгож байгаа гэнэ.