“Миний дэлгүүр”-ээр үйлчлүүлсэн иргэний худалдан авсан бараа үнэ касснаасаа зөрсөн гомдлын дагуу ШӨХТГ-аас тус дэлгүүрийн удирдлагатай уулзжээ. Дэлгүүрийн удирдлагууд энэ төрлийн зөрчлийг дахин гаргахгүй, гарсан тохиолдолд хэрэглэгчийг хохироохгүй байх оновчтой шийдвэр гаргасан гэжээ. Энэ нь, гарсан зөрчлийн хариуцлагыг “Миний дэлгүүр” ХХК өөрөө хүлээж, хэрэглэгчийн хохирлыг газар дээр нь шийдэх зөв алхам болжээ. Ингэснээр хэрэглэгч хохирохгүй, санамсаргүй зөрчил гарсан тохиолдолд тус газраас Миний дэлгүүр ХХК-д хуулийн хариуцлага тооцож, торгууль шийтгэл оногдуулахад хүрэлгүйгээр компани хариуцлагажих боломжтой болж байгаа гэнэ. Өөрөөр хэлбэл, "Зөв бичилтийн АМЛАЛТ" өгч ажиллавал дэлгүүр, хэрэглэгч, хэрэглэгчийн байгууллагын тал талын ашиг сонирхол хангагдана гэж үзжээ.
