"Парис-2024" зуны олимпын наадмын албан ёсны оноо олгож эхлэх “Улаанбаатар их дуулга-2022” өндөр зэрэглэлийн тэмцээнийг Монгол Улсын Ерөнхийлөгчийн ивээл дор Улаанбаатар хотноо зургадугаар сарын 24-26-ны хооронд “Steppe arena” буюу “Мөсөн өргөө”-д зохион байгууллаа. Гурван өдөр үргэлжилсэн тус тэмцээнд Монгол Улс медалийн тоогоор нэгдүгээр, чанараар гурав дугаар байранд бичигдсэн бөгөөд “Улаанбаатар их дуулга-2022” өндөр зэрэглэлийн тэмцээнд 30 орны 159 эрэгтэй, 106 эмэгтэй, нийт 265 жүдоч хүч үзсэн юм.