Сонгинохайрхан дүүргийн Газрын албанаас иргэн, хуулийн этгээдийн газар эзэмших эрхийн хүрээнд шалгалт хийж эхэлжээ. Газрын тухай хуулийн дагуу гэрээний үүргээ биелүүлээгүй, газрын төлбөр төлөөгүй, газар эзэмших эрхийн гэрчилгээ авсан боловч хүндэтгэн үзэх шалтгаангүйгээр гэрээнд заасан дагуу хоёр жил ашиглаагүй гэх шалтгаанаар сонсох ажиллагаа хийх аж. Эл жагсаалтад 33 дугаар хорооны Тахилт болон Зүүн түрүүн, Баянголын аманд газартай иргэн, аж ахуйн нэгжийн нэрс орсон байна. Иймд дүүргийн Газрын албаны нэгдүгээр албанд энэ сарын 15-ны дотор тайлбар, мэдээллээ өгөх эсхүл70003157 дугаарт холбогдох боломжтой юм байна.