Төв аймгийн Батсүмбэр сумын “Champions camp” спортын бэлтгэлийн төвд 2022 оны 2022 оны 07 дугаар 07-21-ний өдрүүдэд БНХАУ, БНСУ, Монголын боксын баг тамирчдын Олон Улсын хамтарсан бэлтгэл сургуулилт хийж байна.
Энэ удаагийн бэлтгэлд БНХАУ-ын шигшээ багийн тамирчид 52 хүн, БНСУ-ын шигшээ баг 32 хүн, Монгол Улсын баг тамирчид 50 хүний бүрэлдэхүүнтэй тус тус оролцож байгаа бөгөөд тус төвийн материаллаг баазыг түшиглэн ийнхүү олон улсын хамтарсан бэлтгэлийг БТСУХ-ны хөрөнгө санхүүгийн дэмжлэгтэйгээр Монголын боксын холбоо удирдан зохион байгуулж байгаа юм.
Мөн Олон улсын энэхүү бэлтгэлд олимп, дэлхий, тив, олон улсын тэмцээний аварга тамирчдаас гадна үндэсний шигшээ багт орох өсөх ирээдүйтэй залуу тамирчид оролцож байна.
